సాధారణంగా చార్టర్డ్ అకౌంటెంట్ అంటే మంచి జీతం, స్థిరమైన ఉద్యోగం అనుకుంటారు. అయితే ఓ 23 ఏళ్ల కుర్రాడు మాత్రం తన 12 గంటల ఉద్యోగాన్ని వదిలేసి, సోషల్ మీడియా ఇన్ఫ్లుయెన్సర్గా మారాడు.
ఏప్రిల్ 15 (మహాప్రభ) :సాధారణంగా చార్టర్డ్ అకౌంటెంట్ అంటే మంచి జీతం, స్థిరమైన ఉద్యోగం అనుకుంటారు. అయితే ఓ 23 ఏళ్ల కుర్రాడు మాత్రం తన 12 గంటల ఉద్యోగాన్ని వదిలేసి, సోషల్ మీడియా ఇన్ఫ్లుయెన్సర్గా మారాడు. ఉద్యోగంలో ఉన్నప్పుడు ఏడాదికి 8 లక్షల రూపాయలు సంపాదించిన ఆ కుర్రాడు ఇన్ఫ్లుయెన్సర్ అవతారం ఎత్తి ఇప్పుడు సంవత్సరానికి రూ.15 లక్షలు సంపాదిస్తున్నాడు (CA quits job Instagram).
ఆ కుర్రాడు ఇంతకుముందు రోజులో దాదాపు 12 గంటల పాటు డెస్క్ ముందు కూర్చుని ఫైళ్లను చూస్తూ పని చేసుకునేవాడు. మంచి జీతం పొందుతున్నప్పటికీ, ఎక్కువ పని గంటలు ఉండటం వల్ల వ్యక్తిగత జీవితం దెబ్బతింటోందని భావించి ఉద్యోగం నుంచి వైదొలిగాడు. సోషల్ మీడియా ద్వారా పన్నుల గురించి, ఆర్థిక విషయాల గురించి అందరికీ అర్థమయ్యేలా చెప్పడం ప్రారంభించాడు. మొదట్లో పెద్దగా ఆదాయం లేకపోయినా, క్రమంగా ఫాలోవర్స్ పెరిగారు (23 year old CA success story).
ఆర్థిక విషయాలను బాగా అర్థం చేసుకోవడం కోసం ప్రజలకు సహాయపడాలనే లక్ష్యంతో, అతడు ఇన్స్టాగ్రామ్లో సులభమైన పన్ను వీడియోలను పోస్ట్ చేయడం ప్రారంభించాడు (Instagram income India). ఒక ఏడాదిలో అతడి ఫాలోవర్ల సంఖ్య 25,000కి పెరిగింది. మొదటి ఏడాది అతడి సంపాదన రూ.3 లక్షలు మాత్రమే. 18 నెలల్లోనే, అతడి సంపాదన రూ.8 లక్షలకు పెరిగింది. తన నిర్ణయాన్ని అతడి తల్లిదండ్రులకు చెప్పినప్పుడు వారు ఆశ్చర్యపోయారు. చివరకు అతడి నిర్ణయమే విజయవంతమైందని నిరూపితం అయింది.